హాలీవుడ్ మూవీస్ కి మన ఇండియాలో మంచి గుర్తింపు ఉంది. ఒక్కొక్కసారి అక్కడ విడుదల అవ్వవలసిన సినిమాలో మన ఇండియా లో ఒక వారం ముందుగా విడుదల అవుతున్నాయి. అక్కడ సూపర్ హీరోస్ చిత్రాలకు కొదవలేదు. మార్వెల్‌ కామిక్స్‌లోని పాత్రల్లో ‘వెనమ్‌’ ఒకటి. ఇప్పుడు ఆ సూపర్‌హీరో ప్రేక్షకులను అలరించేందుకు సిద్ధమయ్యాడు. వెనమ్‌ పేరుతో సోనీ, కొలంబియా పిక్చర్స్‌, మార్వెల్‌ స్టూడియోస్‌ సంయుక్తంగా సినిమాను నిర్మిస్తున్నారు.
అకాడెమి అవార్డు కు నామినేట్ అయిన నటుడు టామ్ హార్డీ ప్రాణాంతకమైన రక్షకుడు వెనం వలె నటిస్తున్నాడు. అలాగే మిచెల్లీ విలియమ్స్‌, రిజ్‌ అహ్మద్‌, స్కాట్‌ హేజ్‌, రియిడ్‌ స్కాట్‌లు కీలక పాత్రలు పోషిస్తున్నారు. రూబెన్ ఫ్లెయిస్చర్ దీనికి దర్శకుడు. అన్ని కార్యక్రమాలు పూర్తి చేసుకున్న ఈ చిత్రం ఇంగ్లీష్‌తో పాటు, హిందీ, తెలుగు, తమిళ భాషల్లోనూ విడుదల కానుంది. ఈ సందర్భంగా చిత్ర బృందం తెలుగు ట్రైలర్‌ను విడుదల చేసింది. ఈ సినిమాను అక్టోబర్ 5వ తేదీన ప్రపంచవ్యాప్తంగా విడుదల చేస్తున్నారు.ఈ ట్రైలర్‌ చూస్తే ఒళ్లు గగురుపొడిచేలా ఉంది . ఇక వెండితెరపై ‘వెనమ్‌’ ఎలా ఉంటుందో చూడాలి. మరి ఈ ట్రైలర్‌ ఫై మీరు ఓ లుక్ వెయ్యండి.
