వెన్నెల కిశోర్ హీరోగా, టీజీ కీర్తి కుమార్ దర్శకత్వంలో వస్తున్న చిత్రం ‘చారి 111’. సుమంత్ హీరోగా ‘మళ్ళీ మొదలైంది’ వంటి ఫీల్ గుడ్ ఎంటర్‌టైనర్ తీసిన తర్వాత ఆయన దర్శకత్వం వహిస్తున్న చిత్రమిది. బర్కత్ స్టూడియోస్ పతాకంపై అదితి సోనీ నిర్మిస్తున్నారు. ఇందులో సంయుక్తా విశ్వనాథన్ కథానాయిక. మురళీ శర్మ ప్రధాన పాత్ర పోషిస్తున్నారు. ఇకపోతే ఈ చిత్రాన్ని మార్చి 1న థియేటర్లలో విడుదల చేస్తున్నట్లు మేకర్స్ వెల్లడించారు.
‘చారి 111’ రిలీజ్ డేట్ పోస్టర్ చాలా ఇంట్రెస్టింగ్‌గా, ప్రేక్షకుల్లో క్యూసియాసిటీ కలిగించే విధంగా డిజైన్ చేశారు. థియేటర్లలోకి గూఢచారిగా ప్రేక్షకుల్ని నవ్వించడానికి వెన్నెల కిశోర్ వస్తున్నట్లు ఉంది. ఇకపోతే సిల్లీ మిస్టేక్స్ చేసే ఒక స్పై పెద్ద కేసును ఎలా సాల్వ్ చేశాడనేది సినిమా. వెన్నెల కిశోర్, సంయుక్తా విశ్వనాథన్ స్పై రోల్స్ చేయగా, వాళ్లకు బాస్ రోల్ మురళీ శర్మ చేశారు. బ్రహ్మాజీ, సత్య, రాహుల్ రవీంద్రన్, పావని రెడ్డి, ‘తాగుబోతు’ రమేష్ ఇతర కీలక పాత్రల్లో నటిస్తున్నారు.