వెంకీమామ తో సూపర్ హిట్ అందుకున్న వెంకటేష్..ప్రస్తుతం సీతమ్మ వాకింట్లో సిరిమల్లె చెట్టు ఫేమ్ శ్రీకాంత్ అడ్డాల డైరెక్షన్లో తమిళ్ మూవీ అసురన్ రీమేక్ నారప్ప లో నటిస్తున్నాడు. ఈ సినిమాను వి క్రియేషన్స్‌, సురేష్ ప్రొడక్షన్స్‌ బ్యానర్లపై సురేష్ బాబు, కలైపులి యస్‌ థానులు సంయుక్తంగా నిర్మిస్తున్నారు. ఈ సినిమా కోసం వెంకీ రూపాయి కూడా రెమ్యునరేషన్ తీసుకోవడం లేదని.. కేవలం లాభాలలో షేర్ తీసుకోబోతున్నట్లు వార్తలు వినిపిస్తున్నాయి.
రీసెంట్ గా త‌మిళ‌నాడు తిరుచందూర్ తెరికాడులోని రెడ్ డెసర్ట్ ప్రాంతంలో కొన్ని యాక్ష‌న్ సీన్స్ ను చిత్రీక‌రించారు. ఆ సన్నివేశాలు పూర్తి కావడం తో చిత్ర యూనిట్ ఆ షెడ్యూల్ కు ప్యాకప్ చెప్పి హైదరాబాద్ చేరుకున్నారు. ఇక క‌రోనా వైర‌స్ ప్రభావం పూర్తిగా తగ్గాకే నారప్ప తదుపరి షెడ్యూల్ ను ప్లాన్ చేయనున్నారు. కాగా ఈ మూవీ లో మొదటిసారి కల్ట్ డీగ్లామర్ రోల్ లో వెంకటేష్ కనిపిస్తుండగా అప్పుడే ఈ చిత్రం నుండి పాజిటివ్ రిపోర్ట్స్ వస్తున్నాయి. ఇటీవలే ఓ లాంగ్ షెడ్యూల్ నిర్వహించగా నారప్పగా వెంకటేష్ ఇరగదీశాడట. అలాగే ఈ మూవీ అవుట్ ఫుట్ పట్ల చిత్ర యూనిట్ చాల సంతృప్తిగా ఉన్నారని తెలుస్తుంది. నారప్ప సూపర్ హిట్ అవడం ఖాయం అని చిత్ర యూనిట్ భావిస్తున్నారట.