విక్టరీ వెంకటేష్‌ తాజాగా నటించిన చిత్రం ‘గురు’. చాలా గ్యాప్‌ తీసుకుని వెంకీ నటించిన ఈ సినిమా గత సంవత్సరం చివర్లోనే విడుదల అవ్వాల్సి ఉంది. అయితే వరుసగా పెద్ద సినిమాలు బ్యాక్‌ టు బ్యాక్‌ విడుదల అయిన నేపథ్యంలో, అవుతున్న నేపథ్యంలో గురు చిత్రాన్ని ఏకంగా నాలుగు నెలల పాటు వాయిదా వేస్తూ వచ్చారు. ఎట్టకేలకు ఈ సినిమా విడుదల తేదీ ఫిక్స్‌ అయ్యింది. బాలీవుడ్‌లో సూపర్‌ హిట్‌ అయిన సినిమాకు ఇది రీమేక్‌ అనే విషయం తెల్సిందే.
‘గురు’ చిత్రం త్వరలో విడుదల కానున్న నేపథ్యంలో ఈ సినిమా ట్రైలర్‌ను విడుదల చేయడం జరిగింది. ఒక బాక్సింగ్‌ కోచ్‌గా వెంకటేష్‌ ఈ చిత్రంలో కనిపించబోతున్నాడు. చాలా సీరియస్‌ కోచ్‌గా, అమ్మాయిలను కూడా చాలా రఫ్‌గా హ్యాండిల్‌ చేసే వ్యక్తిగా వెంకీ ఈ సినిమాలో కనిపించబోతున్నాడు అని ఈ ట్రైలర్‌ చూస్తుంటే అర్థం అవుతుంది. ఇక ఈ సినిమాలో ఎక్కువగా బాక్సింగ్‌ ఆటనే చూపించబోతున్నారు. అమ్మాయిలు బాక్సింగ్‌లో ఎలా రాణించాలి, వారికి ఉండే ఇబ్బందులు ఏంటి అనేది ఈ సినిమాలో చూపించినట్లుగా అనిపిస్తుంది. ట్రైలర్‌తో సినిమాపై ఆసక్తి రేకెత్తుతుంది. సినిమా తప్పకుండా ఆకట్టుకుంటుందని ట్రైలర్‌ను చూస్తుంటే అనిపిస్తుంది. ట్రైలర్‌తో అదరగొట్టిన గురు త్వరలో విడుదల అయ్యి కలెక్షన్స్‌ను కొల్లగొట్టడం ఖాయం అని అంటున్నారు.
