మెగా హీరో వరుణ్‌ తేజ్‌, హరీష్‌ శంకర్‌ల కాంబినేషన్‌లో తెరకెక్కిన ‘వాల్మీకి’ చిత్రం విడుదలకు సిద్దం అయ్యింది. భారీ ఎత్తున అంచనాలున్న ఈ చిత్రంను ఈనెల 20వ తారీకున ప్రేక్షకుల ముందుకు తీసుకు రాబోతున్నారు. ఇక ఈ చిత్రంలో ‘దేవత’ చిత్రంలోని ఎల్లువచ్చి గోదారమ్మ పాటను రీమిక్స్‌ చేయడం జరిగింది. నేడు ఆ పాటను రాఘవేంద్ర రావు చేతుల మీదుగా ఆవిష్కరించారు. పెద్ద ఎత్తున అంచనాలున్న వాల్మీకి చిత్రం మరియు పాటకు ప్రేక్షకుల నుండి మంచి స్పందన దక్కింది.
ఈ పాట వీడియో టీజర్‌ను విడుదల చేయడం జరిగింది. 50 సెకన్ల సాంగ్‌ ప్రోమోను ఆవిష్కరించడం జరిగింది. కొందరు ఈ పాటపై ప్రశంసలు కురిపిస్తుంటే మరి కొందరు మాత్రం ఒక అద్బుతమైన సాంగ్‌ను నాశనం చేశారు కదరా అంటూ విమర్శలు చేస్తున్నారు. మిక్కీ జే మేయర్‌ ఎక్కువగా రీమిక్స్‌ చేయకుండా 90 శాతం అలాగే ఉంది 10 శాతం మాత్రమే మార్చడం జరిగింది. రీమిక్స్‌ విషయం ప్రస్తుతం సినీ వర్గాల్లో కూడా చర్చనీయాంశం అయ్యింది. దేవత చిత్రంలోని ఆ పాట చిత్రీకరించినట్లుగానే ఈ పాటను కూడా భారీగా బిందెలను పెట్టి చిత్రీకరించారు. మరి ఈ పాట చిత్రంకు ఎంత మేరకు ఉపయోగపడుతుందో చూడాలి.
