ప్రస్తుతం వరుస సినిమాలతో బిజీగా వున్న వరుణ్ తేజ్, తన 14వ చిత్రాన్ని ‘పలాస’ ఫేమ్‌ కరుణ కుమార్‌ దర్శకత్వంలో చేస్తున్నారు. వైరా ఎంటర్టైన్మెంట్స్ బ్యానర్‌పై మోహన్‌ చెరుకూరి, డాక్టర్‌ విజయేందర్‌ రెడ్డి తీగల ఈ చిత్రాన్ని భారీ ఎత్తున నిర్మించనున్నారు. తాజాగా నేడు హైదరాబాద్ అన్నపూర్ణ స్టూడియోలో ఈ సినిమా ఓపెనింగ్ పూజా కార్యక్రమాలు జరిగాయి. అంతేకాదు ఈ సినిమాకి ‘మట్కా’ అనే ఆసక్తికరమైన టైటిల్‌ పెట్టారు. ఇకపోతే తాజాగా ఈ సినిమా నుండి మరో అప్డేట్ కూడా వచ్చింది.
అదేంటంటే ‘మట్కా’ మోషన్ పోస్టర్ ను రిలీజ్ చేసారు మేకర్స్. ఈ మోషన్ పోస్టర్ చాలా ఆసక్తికరంగా వుంది. ఇకపోతే ‘మట్కా’ అనేది ఒకరకమైన జూదం. 1958-1982 మధ్య జరిగే ఈ కథ యావత్ దేశాన్ని కదిలించిన యదార్థ సంఘటన ఆధారంగా తెరకెక్కబోతుంది. ఇందులో వరుణ్ తేజ్ ని నాలుగు డిఫరెంట్‌ గెటప్‌ లలో చూడబోతున్నాం. వరుణ్ తేజ్ కెరీర్ లోనే ఇది హైయెస్ట్ బడ్జెట్ చిత్రం కాబోతుంది. ఇక ఈ సినిమాలో మీనాక్షి చౌదరి హీరోయిన్ గా నటిస్తుంది. నోరా ఫతేహి ఓ ముఖ్య పాత్రలో కనిపిస్తుండగా.. నవీన్‌ చంద్ర, కన్నడ కిషోర్‌ ఇతర ముఖ్య తారాగణం. ఇక ఈ సినిమాకి జివి ప్రకాష్‌ కుమార్‌ సంగీతం అందిస్తున్నారు.
