సంకల్ప్‌ రెడ్డి తనకున్న జ్ఞానం మొత్తం ఉపయోగించి ఈ సైన్స్‌ ఫిక్షన్‌ సినిమాని తెరకెక్కించాలని తెగ తాపత్రయ పడుతున్నాడు. అందుకు భారీ గ్రాఫిక్స్‌ అవసరం. ఈ చిత్రాన్ని బడ్జెట్‌ను దృష్టిలో ఉంచుకుని ఓ భారీ నిర్మాతతో డీల్‌ కుదుర్చుకున్నారు. ఇక గ్రాఫిక్స్‌ తదితర అంశాలకు అవసరమయ్యే ఖర్చులను సాఫీగా చేయొచ్చు. వరుణ్‌ తేజ్‌ ప్రస్తుతం ‘ఫిదా’ చిత్రంలో నటిస్తున్నాడు. ఆ తర్వాత వెంకీ అట్లూరి దర్శకత్వంలో నటించనున్నాడు. ఈ రెండు ప్రాజెక్ట్‌లు పూర్తి కాగానే సంకల్ప్‌ రెడ్డితో చేయనున్నాడు. ఈ కుర్ర దర్శకుడు అయినా వరుణ్‌ తేజ్‌ను గట్టెక్కిస్తాడా అని మెగా అభిమానులు ఫీల్‌ అవుతున్నారు. ఇది కూడా సక్సెస్‌ కాకపోతే వరుణ్‌కు ఇక సినీ ఇండస్ట్రీలో కాలం చెల్లినట్టే అని సినీ ప్రముఖులు అంటున్నారు.