మెగా ప్రిన్స్ వరుణ్ తేజ్, పలాస ఫేమ్ దర్శకుడు కరుణ కుమార్‌తో కలిసి తన తొలి పాన్ ఇండియన్ చిత్రం ‘మట్కా’ తో రాబోతున్నాడు. వైరా ఎంటర్‌టైన్‌మెంట్స్‌పై డాక్టర్ విజయేందర్ రెడ్డి తీగల, రజనీ తాళ్లూరి SRT ఎంటర్‌టైన్‌మెంట్స్‌తో కలిసి ఈ చిత్రాన్ని నిర్మిస్తున్నారు. యదార్థ సంఘటన ఆధారంగా తెరకెక్కుతున్న ఈ చిత్రంలో వరుణ్ తేజ్ నాలుగు విభిన్నమైన గెటప్‌లలో కనిపించనున్నారు. అయితే ఈరోజు వరుణ్ తేజ్ బర్త్ డే సందర్భంగా.. ఈ సినిమా నుండి ఓపెనింగ్ బ్రాకెట్ పేరుతో ఒక వీడియోను రిలీజ్ చేసారు మేకర్స్.
వరుణ్ తేజ్ గ్రామోఫోన్‌లో మ్యూజిక్ ని ప్లే చేయడంతో ఇది ఓపెన్ అవుతుంది. వరుణ్ తన హావభావాలు, పవర్ ఫుల్ స్క్రీన్ ప్రెజెన్స్‌తో ఇంటెన్స్ ని తీసుకొచ్చారు. సిగార్ తాగుతూ ఎవరికో ఫోన్‌లో ‘ప్రామిస్’ అనడం ఆసక్తికరంగా వుంది. జివి ప్రకాష్ కుమార్ బ్యాక్ గ్రౌండ్ స్కోర్ అద్భుతంగా వుంది. మొత్తం మీద, ఓపెనింగ్ బ్రాకెట్ సినిమాపై క్యురియాసిటీని పెంచింది. ఈ చిత్రంలో వరుణ్ తేజ్ సరసన నోరా ఫతేహి, మీనాక్షి చౌదరి హీరోయిన్స్ గా నటిస్తుండగా.. నవీన్ చంద్ర, కన్నడ కిషోర్ కీలక పాత్రలు పోషిస్తున్నారు. ఇక ‘మట్కా’ తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.
