వరుణ్‌ తేజ్‌ కీలక పాత్రలో అధర్వ మరో ముఖ్యపాత్రలో నటించిన ‘వాల్మీకి’ చిత్రం విడుదలకు సిద్దం అవుతుంది. షూటింగ్‌ పూర్తి చేసుకున్న ఈ చిత్రం నుండి ఒక్కో పాట చొప్పున విడుదల చేయడం జరుగుతుంది. భారీ ఎత్తున అంచనాలున్న ఈ చిత్రంను హరీశ్‌ శంకర్ తెరకెక్కించిన విషయం తెల్సిందే. 14 రీల్స్‌ నిర్మాతలు ఈ చిత్రంను నిర్మిస్తున్నారు. ఈ చిత్రంలోని వరుణ్‌ తేజ్‌ లుక్‌ చాలా బాగుంది. విలన్‌ లుక్‌లో వరుణ్‌ తేజ్‌ దుమ్ము దులిపేలా ఉన్నాడు అంటూ టాక్‌ వచ్చింది.
ఇక నేడు ఈ చిత్రం నుండి జరజర అంటూ ఐటెం సాంగ్‌ వచ్చింది. మాస్ ఆడియన్స్‌ను ఆకట్టుకునేలా మిక్కీజే మేయర్‌ ఈ పాటను ట్యూన్‌ చేశాడు. పాట మాస్ బీట్‌ తప్పకుండా ప్రేక్షకులను ఆకట్టుకోవడం ఖాయం అంటూ సినీ వర్గాల వారు నమ్మకంగా చెబుతున్నారు. ఈ పాట ప్రస్తుతం సోషల్‌ మీడియాలో దుమ్ము రేపుతోంది. ఇక ఈ చిత్రంలో హీరోయిన్‌గా పూజా హెగ్డే నటించింది. తమిళ సూపర్‌ హిట్‌ మూవీ జిగర్తాండకు ఇది రీమేక్‌ అనే విషయం తెల్సిందే. సెప్టెంబర్‌ రెండవ వారంలో ఈ చిత్రంను ప్రేక్షకుల ముందుకు తీసుకు వచ్చేందుకు ఏర్పాట్లు చేస్తున్నారు.
