తొలి షో నుండి మంచి స్పందనను సొంతం చేసుకున్న ఈ చిత్రానికి కలెక్షన్లు కూడా ఆశించిన దానికంటే ఎక్కువగా వస్తున్నాయి. తొలివారాంతానికి 13.4 కోట్లను వసూలు చేసింది. వరుణ్‌ హిట్‌ చిత్రాలయిన ‘ఫిదా’, ‘తొలిప్రేమ’ కలెక్షన్ల కంటే ఇది చాలా ఎక్కువ. దాంతో వరుణ్‌ మాస్‌ లుక్‌కు కూడి భారీ స్పందన వచ్చిందని యూనిట్‌ సంతోషపడుతున్నారు. ఇక సోమవారం నుండి వచ్చే కలెక్షన్లు ఇది ఏ స్థాయి విజయం అనేది తెలియజేస్తాయి. ఇకపోతే ‘సైరా’ చిత్రం వరకు పెద్దగా పోటీ లేకపోవడంతో గద్దలకొండకు మంచి ప్లస్‌ అయ్యే అవకాశం ఉంది. మొత్తానికి ఈ చిత్రంతో వరుణ్‌ గత రికార్డులను బ్రేక్‌ చేసి కొత్త రికార్డును బుట్టలో వేసుకున్నాడు.