ఎప్పటికప్పుడు సంచలన స్టేట్మెంట్స్ తో వార్తల్లో నిలిచే రామ్ గోపాల్ వర్మ..తాజాగా ఓ ట్వీట్ చేసి సంచలనం రేపాడు. ప్రస్తుతం ప్రపంచ వ్యాప్తంగా కరోనా వైరస్ ఏ రేంజ్ లో ఉందొ చెప్పాల్సిన పని లేదు. ఈ వైరస్ తాకిడికి మనుషుల ప్రాణాలు గాల్లో కలిసిపోతున్నాయి. ఇప్పటికే కేంద్ర ప్రభుత్వం కరోనా కట్టడికి లాక్ డౌన్ ప్రకటించినప్పటికీ కరోనా కేసులు పెరుగుతూనే ఉన్నాయి. ఎలాగైనా ఈ కరోనా నుండి కాపాడుకోవాలని ప్రతి ఒక్కరు జాగ్రత్త పడుతున్నారు.
అలాగే ప్రజల్లో అవగాహనా తెచ్చేందుకు టాలీవుడ్ ఇండస్ట్రీ సైతం సోషల్ మీడియా లో యాక్టివ్ గా ఉంటూ ఎప్పటికప్పుడు కరోనా అప్ డేట్స్ అందిస్తుంది. ఇప్పటికే కరోనా ఫై ఓ సాంగ్ విడుదల చేయడం జరిగింది. ఇక ఇప్పడు వర్మ స్వయం గా రాసిన , పాడిన పాటను రేపు విడుదల చేయబోతున్నాడు. దీనికి సంబదించిన ట్వీట్ చేశారు. ‘కరోనా వైరస్ పైన నేనే రాసి,పాడిన “కనిపించని పురుగు” అనే పాటని రేపు బయట పడేయబోతున్నాను…చేతులు కడుక్కొని వినండి’ అంటూ ట్వీట్ చేసాడు. మరి ఈ సాంగ్ ఎలా ఉంటుందో చూడాలి.
