సరిగ్గా 32 సంవత్సరాల క్రితం ‘వంశీ’ దర్శకత్వంలో రూపొంది ఎన్నో సంచనాలు సృష్టించిన ‘లేడీస్ టైలర్’ సినిమాకి సీక్వెల్ గా మళ్ళీ వంశీ దర్శకత్వంలో ‘ఫ్యాషన్ డిజైనర్ s/o లేడీస్ టైలర్’ రూపొందుతున్నది.
“అప్పటి ‘లేడీస్ టైలర్’ కొడుకు ఇప్పుడు ఏం చేస్తుంటాడు?” అనే కాన్సెప్ట్ తో రూపొందిన ఈ సినిమా, రాజోలు పరిసర ప్రాంతాల్లో, పాపికొండల్లోని గోదావరి తీరాల్లో నిర్విరామంగా 62 రోజులు షూటింగ్ పూర్తి చేసుకుని, ఇప్పుడు పోస్ట్ ప్రొడక్షన్ కార్యక్రమాలు జరుపుకుంటున్నది.
‘‘సుమంత్ అశ్విన్’’ హీరోగా అనీషా ఆంబ్రోస్, మనాలి రాథోడ్, మానస హిమవర్ష హీరోయిన్లుగా నటిస్తున్న ఈ సినిమాకు మెలోడి బ్రహ్మ “మణిశర్మ” అందించిన ఐదు అద్భుతమైన పాటలను ‘వంశీ’ తనదైన శైలిలో ఎంతో అందంగా చిత్రీకరించారని, కడుపుబ్బ నవ్వించే కామెడీతో వంశీ సినిమాల అభిమానులను అలరించే విధంగా ఈ సినిమా ఉంటుందని నిర్మాత ‘మధుర’ శ్రీధర్ రెడ్డి అన్నారు.
మధుర ఎంటర్ టైన్ మెంట్ బ్యానర్ పై ‘మధుర’ శ్రీధర్ రెడ్డి నిర్మిస్తున్న ఈ సినిమా పాటలను ఏప్రిల్ నెలలో విడుదల చేసి, వేసవి కానుకగా ‘మే’ నెలలో ప్రేక్షకులకు అందిస్తారు.
సినిమా సాంకేతిక వర్గం:
సంగీతం: మణిశర్మ, సినిమాటోగ్రఫీ: నగేష్ బన్నెల్, ఎడిటర్: బస్వా పైడి రెడ్డి, ఆర్ట్: డి. వై. సత్య నారాయణ, మాటలు: కళ్యాణ్ రాఘవ్, పాటలు: శ్రీమణి, చైతన్య ప్రసాద్, శ్రీ వల్లి.