కరోనా కారణంగా సినిమాలన్నీ వాయిదా పడుతున్నాయి. హాలీవుడ్ నుండి టాలీవుడ్ వరకు ఇలా చిన్న పెద్ద సినిమాలన్నీ వాయిదా వేస్తున్నారు. ఏప్రిల్ నెలలోను సినిమాలు రావడం కష్టమే అనిపిస్తుంది. ఎందుకంటే ఏప్రిల్ 15 వరకు లాక్ డౌన్ ప్రకటించిన నేపథ్యంలో సినిమాలు పోస్ట్ ప్రొడక్షన్ పూర్తి చేసుకొని , ప్రమోషన్ చేయడం వంటివి జరగాలంటే కష్టం. అందుకే ఏప్రిల్ లో సినిమా రావడంకష్టమనే చెప్పాలి.
ఇక పవన్ కళ్యాణ్ రీ ఎంట్రీ మూవీ కూడా వాయిదా వేసే ఛాన్స్ ఉన్నట్లు వార్తలు వినిపిస్తుండడం అభిమానులను ఆందోళనకు గురి చేస్తున్నాయి. తాజాగా ఫిల్మ్ సర్కిల్స్‌ లో వినిపిస్తోన్న న్యూస్ ప్రకారం ఈ సినిమా రిలీజ్ డేట్ జులై నెలకు పోస్ట్ ఫోన్ అయ్యే అవకాశం ఉందని తెలుస్తోంది. ఇక ఈ సినిమాలో ముగ్గురు అమ్మాయిల్లో ఒక అమ్మాయిగా నివేదా థామస్ కీలక పాత్రలో నటిస్తోంది. ఆమె రోల్ చాలా ఎమోషనల్ గా సాగుతుందని.. ఆ పాత్రలో ఆమె అద్భుతంగా నటిస్తోందని సమాచారం. వేణు శ్రీరామ్ డైరెక్షన్లో తెరకెక్కుతున్న ఈ మూవీ ని దిల్ రాజు నిర్మిస్తున్నారు .