ఇప్పటికే మెగా ఫ్యామిలీ నుండి దాదాపు 10 మంది హీరోలు ఇండస్ట్రీ కి పరిచయం కాగా , తాజాగా మరో హీరో రాబోతున్నాడు. అతడే చిరంజీవి మేనల్లుడు , సాయి ధరమ్ తేజ్ తమ్ముడు వైష్ణవ్ తేజ్ వెండి తెరకు పరిచయం కాబోతున్నాడు. నటుడు & డైరెక్టర్ అయినా శ్రీనివాస్ అవసరాల ఇతడిని డైరెక్ట్ చేయబోతున్నారనే వార్త ఫిలిం సర్కిల్లో ప్రచారం జరుగుతుంది. దీనిపై త్వరలో అధికారిక ప్రకటన రాబోతుందని అంటున్నారు.
ఈ మధ్యనే చిరంజీవి చిన్న అల్లుడు కళ్యాణ్ దేవ్ తన మొదటి సినిమాను మొదలు పెట్టిన సంగతి తెల్సిందే.. సాయి కొర్రపాటి ఈ చిత్రానికి నిర్మాత. మొత్తానికి క్రికెట్ టీం మాదిరి మెగా ఫ్యామిలీ నుండి హీరోలు వస్తుండడం తో మెగా అభిమానులు పండగా చేసుకుంటున్నారు. ప్రస్తుతం రామ్ చరణ్ , అల్లు అర్జున్ ఫుల్ రేసు లో ఉన్నారు. ఇప్పుడిప్పుడే వరుణ్ తేజ్ దారిలోకి వస్తున్నాడు. ఇక సాయి ధరమ్ తేజ్ మాత్రం వరుస ప్లాప్స్ తో వెనుకంజ లో ఉన్నాడు. ఇక అల్లు శిరీష్ మాత్రం హీరోగా రాణించడం కోసం కష్టపడుతున్నాడు.
