మాసీవ్ బ్లాక్ బస్టర్ ‘ఇస్మార్ట్ శంకర్’ వచ్చి దాదాపు నాలుగు సంవత్సరాలైయింది. ఉస్తాద్ రామ్, సెన్సేషనల్ డైరెక్టర్ పూరీ జగన్నాధ్ డెడ్లీ కాంబినేషన్ మచ్ బిగ్గర్ ప్రాజెక్ట్ కోసం మళ్లీ కలుస్తుంది. పూరి కనెక్ట్స్‌పై పూరీ జగన్నాథ్, ఛార్మి కలిసి ఈ చిత్రాన్ని నిర్మించనున్నారు. విషు రెడ్డి సీఈవో రామ్ పుట్టినరోజు (మే 15)కి ఒక రోజు ముందు సినిమా టైటిల్, విడుదల తేదీని అనౌన్స్ చేశారు.
ఇస్మార్ట్ శంకర్‌కి సీక్వెల్‌గా వస్తున్న ఈ చిత్రానికి ‘డబుల్ ఇస్మార్ట్’ అని పేరు పెట్టారు. ఇది ఈసారి రెట్టింపు మాస్, రెట్టింపు వినోదాన్ని ఇవ్వబోతుంది. ఇక పూరి జగన్నాధ్ చాలా పెద్ద స్పాన్ కలిగిన కథను రాశారు. అత్యున్నత స్థాయి సాంకేతిక ప్రమాణాలతో భారీ స్థాయిలో హై బడ్జెట్‌తో ఈ సినిమా రూపొందించబడుతుంది.
ఇకపోతే డబుల్ ఇస్మార్ట్ టైటిల్ పోస్టర్‌లో త్రిశూల్స్‌ పై రక్తపు గుర్తులు ఉన్నాయి. ఈ పోస్టర్ ఇస్మార్ట్ శంకర్ సెకండ్ ఫ్రాంచైజీ నేపథ్యం గురించి సూచిస్తోంది. కాగా మహా శివరాత్రికి మార్చి 8, 2024న తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.