వైష్ణవ్ తేజ్ – బుచ్చిబాబు సాన కలయికలో వస్తున్న చిత్రం ఉప్పెన. ఇప్పటికే హీరో తాలూకా ఫస్ట్ లుక్ విడుదల చేసి ఆకట్టుకోగా..తాజాగా ఈ మూవీ లో విలన్ రోల్ చేస్తున్న కోలీవుడ్‌ స్టార్ హీరో విజయ్ సేతుపతి తాలూకా లుక్ విడుదల చేసి అంచనాలు పెంచారు.
ఈ మూవీ లో విజయ్ ‘రాయనమ్’ అనే పాత్ర లో కనిపిస్తున్నాడు. లాక్ డౌన్ కారణంగా సినిమాలు లేక నిరాశ ప‌డుతున్న ప్రేక్ష‌కుల‌కి కాస్త ఉప‌శ‌మ‌నం అందించేందుకు మేకర్స్ చిత్రం నుండి తమిళ స్టార్ హీరో, మక్కల్ సెల్వన్ విజయ్ సేతుపతి లుక్ ను విడుదల చేసింది . చేతిలో సిగరేట్ తో రాజసంతో కూడిన విజయ్ సేతుపతి మాస్ విలన్ లుక్ ఫ్యాన్స్ ను విపరీతంగా ఆకర్షిస్తోంది. ఏప్రిల్ 2న ప్రేక్ష‌కుల ముందుకు రానున్న ఈ చిత్రం లాక్‌డౌన్ కారణంగా వాయిదా ప‌డింది. మైత్రీ మూవీ మేకర్స్ టీం, సుకుమార్ సంయుక్తంగా ఈ చిత్రాన్ని నిర్మిస్తున్నారు. దేవీ శ్రీప్రసాద్ సంగీతం.. క్రితి శెట్టి హీరోయిన్.
