ఈమద్య కాలంలో సినిమా స్టార్స్‌ సైడ్‌ బిజినెస్‌ చాలా కామన్‌ అయ్యాయి. పలువురు హీరోలు మరియు దర్శకులు నిర్మాతలుగా మారారు. ప్రస్తుతం సినిమా థియేటర్ల యాజమానులుగా కూడా మారిపోతున్నారు. మహేష్‌బాబు, ప్రభాస్‌, వినాయక్‌, చౌదరి ఇలా పలువురు థియేటర్లకు యాజమానులు అయ్యారు. ఇప్పుడు వారి జాబితాలో త్రివిక్రమ్‌ కూడా చేరిపోయాడు. కొన్ని నెలల క్రితమే త్రివిక్రమ్‌ థియేటర్‌ తీసుకున్నట్లుగా వార్తలు వచ్చాయి. అప్పుడు ఆ వార్తలపై క్లారిటీ రాలేదు. కాని ఇప్పుడు ఆ విషయమై ఫుల్‌ క్లారిటీ ఇచ్చారు.
దర్శకుడు త్రివిక్రమ్‌ రాజమండ్రిలో థియేటర్‌ను తీసుకున్నట్లుగా ప్రకటన వచ్చింది. రాజమండ్రిలోని ఒక ఫేమస్‌ ఏరియాలోని పాత థియటర్‌ను తీసుకుని రీ మోడల్‌ చేయించాడట. ఆ థియేటర్‌ త్వరలోనే ప్రారంభం కాబోతుందని తెలుస్తోంది. థియేటర్‌ ప్రారంభంకు ప్రముఖ హీరో హాజరు అవ్వబోతున్నట్లుగా కూడా సమాచారం అందుతోంది. త్రివిక్రమ్‌ థియేటర్‌ ‘అల వైకుంఠపురంలో’ చిత్రంతో ప్రారంభం కాబోతుంది.
