అల్లరి నరేష్ -విజయ్ కనకమేడల కాంబినేషన్ లో వచ్చిన నాంది చిత్రం భారీ విజయాన్ని సాధించింది. ఈ విజయం అందించిన ఉత్సాహంతో ఈ కాంబినేషన్ లో మరో వైవిధ్యమైన చిత్రం ‘ఉగ్రం’ రాబోతుంది. ఇప్పటికే ఈ సినిమా నుంచి విడుదల చేసిన టీజర్ కు మంచి స్పందన వచ్చింది. ఇక నరేష్ సీరియస్ కాప్ రోల్‌లో కనిపించడం క్యురియాసిటీని పెంచింది.
కాగా ఈరోజు ఈ చిత్రానికి సంబంధించిన ఓ ఇంట్రెస్టింగ్ అప్‌డేట్‌ను మేకర్స్ వెల్లడించారు. ఈ చిత్రం వాస్తవానికి ఏప్రిల్ 14, 2023న ప్రపంచవ్యాప్తంగా ప్రేక్షకుల ముందుకు రావాల్సి ఉంది, కానీ.. కొన్ని కారణాల వల్ల విడుదల తేదీ వాయిదా పడింది. తాజాగా, ఈ సినిమాను మే 5న రిలీజ్ చేస్తున్నట్లు.. రిలీజ్ డేట్ తో క‌లిపి ఓ క్రేజీ పోస్టర్ ను పోస్ట్ చేశారు మేకర్స్. పోస్టర్ లో అల్లరి నరేష్ రక్తపు మరకలతో వీపు మీద ఓ రౌడీని వేసుకుని కనిపించాడు. నిజంగానే నరేశ్ ఉగ్ర రూపంలో కనిపించి షాక్ ఇచ్చాడు. ఇక ఈ పోస్టర్ చూస్తుంటేనే.. ఈ సినిమా పూర్తి వైల్డ్ యాక్షన్ డ్రామాగా ఉండ‌నున్న‌ట్టు క‌నిపిస్తోంది.
ఇక శ్రీచరణ్ పాకాల సంగీతం అందిస్తున్న ఈ చిత్రాన్ని షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది గ్రాండ్‌గా నిర్మిస్తున్నారు.
