గత కొన్ని రోజులుగా ఈ చిత్రం గురించి ఎలాంటి అప్‌డేట్‌ అయితే లేదు. కాని తాజాగా అందుతున్న సమాచారం ప్రకారం డిసెంబర్‌లో సినిమాను విడుదల చేసే అవకాశం కనిపిస్తుంది. ఒకవేళ డిసెంబర్‌ మిస్‌ అయితే సమ్మర్‌ వరకు అంటే ఏప్రిల్‌ వరకు వెయిట్‌ చేయాల్సి వస్తుంది. అందుకే షూటింగ్‌ కాస్త స్పీడప్‌ చేసి డిసెంబర్‌లో క్రిస్మస్‌ కానుకగా కాని, లేదంటే అంతకు ముందే సినిమాను విడుదల చేయాలనే ఉద్దేశ్యంలో చిత్ర యూనిట్‌ సభ్యులు ఉన్నారు. ప్రస్తుతం షూటింగ్‌ జరగడం లేదు. త్వరలోనే శర్వా మరియు సమంతలతో పాటు కీలక నటీనటులతో కొత్త షెడ్యూల్‌ ప్రారంభం కాబోతుంది. అక్టోబర్‌లో సినిమా షూటింగ్‌ పూర్తి చేయాలని భావిస్తున్నారట.