మన తెలుగులో మంచి విజయాలు అందుకున్న పవన్ కళ్యాణ్ అత్తారింటికి దారేది, ఎన్టీఆర్ నటించిన టెంపర్, నాన్నకు ప్రేమతో చిత్రాలను తమిళం లో రీమేక్ చేస్తున్నారు. ఇప్పుడు తాజాగా నాని, నివేదా థామ‌స్, ఆది పినిశెట్టి ప్ర‌ధాన పాత్ర‌ల‌లో శివ నిర్వాణ తెర‌కెక్కించిన చిత్రం నిన్ను కోరి సూపర్ హిట్ చిత్రం కోలీవుడ్ కు వెళ్లనుంది. గోపి సుంద‌ర్ అందించిన సంగీతం కూడా సినిమాకి చాలా ప్ల‌స్ అయింది.
యూనివర్సల్ సబ్జెట్ కాబట్టి ఇప్పుడు ఈ సినిమాను త‌మిళ భాష‌లో రీమేక్ చేయనున్నారు. యువ హీరో వైభవ్ నాని పాత్రలో నటించే అవకాశాలు ఉన్నాయట. కాస్మో కిరణ్ నిర్మాతగా వ్యవహరిస్తున్న ఈ చిత్రం యొక్క వివరాలను త్వరలోనే ప్రకటించనున్నారు.
మొన్నటి వరకు మన నిర్మాతలు ఇతర భాషా సినిమాలను రీమేక్ చేసి మంచి విజయాలు సాధించారు. ఇప్పుడు మన సినిమాలు ఇతర భాషల్లోకి రీమేక్ చేయబడుతున్నాయి. బాలీవుడ్ లో ఎక్కువగా తెలుగు సినిమాలను రీమేక్ చేయడం జరుగుతుంది.
