మిల్కీబ్యూటి తమన్నా వచ్చిన ఆఫర్‌లన్నిటికి ఒకే చెబుతూ అగ్రకథానాయికగా ఓ వెలుగు వెలుగుతోంది. ఈ అమ్మడి దగ్గరికి వచ్చిన ప్రతీ ఆఫర్‌ను ఒకే చేయడంతో వాటిలో చాలా చిత్రాలు బాక్సాఫీసు వద్ద బొక్కా బోర్లా పడ్డాయి. దాంతో తమన్నా క్రేజ్‌ కాస్త తగ్గిపోయింది. ఈ అమ్మడికి ప్రస్తుతం ‘బాహుబలి 2’ చిత్రం తప్ప చెప్పుకోదగ్గ ప్రాజెక్ట్‌లు ఏవి లేవు. ‘బాహుబలి’ మొదటి పార్టు తర్వాత పలు చిత్రాలతో ప్రేక్షకుల ముందుకు వచ్చిన తమన్నా తృప్తి పరచలేకపోయింది. ఇక తమన్నా అభిమానుతు ఈమె పాత్ర కోసం ‘బాహుబలి 2’పై చాలా ఆశలు పెట్టుకున్నారు. ఈ అమ్మడికి తమిళంలో రెండు మూడు ఆఫర్లు మినహా పెద్దగా లేవు.
ప్రస్తుతం తెలుగులో ఇక ‘బాహుబలి’ తప్ప ఏ ఇతర అవకాశం ఇప్పటి వరకు రాలేదు. అందంతో నటనతో ఆకట్టుకునే తమన్నాకు తెలుగులో ఒక్క ఆఫర్‌ కూడా రాకపోవడం గమనార్హం. స్టార్‌ హీరోయిన్‌ అయినా కూడా తెలుగులో చేతిలో ఒక్క ప్రాజెక్ట్‌ కూడా లేకపోవడం గమనార్హం.
ఈ అమ్మడిపై తెలుగు ప్రేక్షకులకు మోజు తీరిందా..? లేదా కావాలనే ఈమెపై కక్ష్య కట్టారా..? అని అభిమానులు ఆవేదన వ్యక్తం చేస్తున్నారు. తమన్నా తోటి కథానాయికలకు చేతి నిండా అవకాశాలు ఉంటే తమన్నాకు మాత్రం ఒక్క ఛాన్స్‌ కూడా రావడం లేదు. ‘బాహుబలి 2’తో అయినా తమన్నాకు మళ్లీ పూర్వ వైభవం వస్తుందా.. అని అభిమానులు ఆసక్తిగా ఎదురుచూస్తున్నారు.
