అల్లు అర్జున్‌ హీరోగా త్రివిక్రమ్‌ దర్శకత్వంలో తెరకెక్కుతున్న చిత్రం షూటింగ్‌ శరవేగంగా జరుగుతోంది. భారీ అంచనాలున్న ఈ చిత్రంలో హీరోయిన్‌గా పూజా హెగ్డే మరియు నివేతా పేతురాజ్‌ నటిస్తున్న విషయం తెల్సిందే. వీరిద్దరితో పాటు ఈ చిత్రంకు మరింత గ్లామర్‌ తీసుకు వచ్చేందుకు గాను టబును దర్శకుడు త్రివిక్రమ్‌ ఎంపిక చేశాడు. ఒకప్పుడు టబు తెలుగులో ఎన్నో సూపర్‌ హిట్‌ చిత్రాలను చేసింది. బాలీవుడ్‌కు వెళ్లిన తర్వాత టబు తెలుగు సినిమాలను చాలా తగ్గించింది.
టబుకు ఇది తెలుగులో రీ ఎంట్రీ అని చెప్పుకోవాలి. హీరోయిన్‌ స్థాయి పారితోషికం ఇచ్చి మరీ టబును ఈ చిత్రంలో నటింపజేస్తున్నారు. త్రివిక్రమ్‌ ఈ చిత్రం కథపై దాదాపు ఆరు నెలలు వర్క్‌ చేశాడు. బన్నీతో ఇప్పటికే జులాయి మరియు సన్నాఫ్‌ సత్యమూర్తి చిత్రాలను చేసిన త్రివిక్రమ్‌ ఇప్పుడు ఈ చిత్రంతో హ్యాట్రిక్‌ను కొట్టేందుకు సిద్దం అవుతున్నాడు. తాజాగా ఈ చిత్రంకు సంబంధించిన టబు మేకింగ్‌ వీడియోను విడుదల చేయడం జరిగింది. ఆ వీడియోలో టబు మునుపటి అందంతోనే అలరిస్తూ ఉంది. మొత్తానికి ఈ చిత్రంలో టబు హైలైట్‌ అవ్వడం ఖాయంగా కనిపిస్తోంది.
