‘సాహో’ను మించి ‘సైరా’ వేడుక

ప్రభాస్‌ హీరోగా తెరకెక్కిన ‘సాహో’ చిత్రం ప్రీ రిలీజ్‌ వేడుకను ఇటీవల రామోజీ ఫిల్మ్‌ సిటీలో ఏ స్థాయిలో నిర్వహించారో ప్రత్యేకంగా చెప్పనక్కర్లేదు. లక్షలాది మంది అభిమానులు తరలి వచ్చారు. దాంతో ఫిల్మ్‌ సిటీ పరిసర ప్రాంతాలు అంతా కూడా భారీ జనసందోహంతో నిండి పోయాయి. ఇక సాహో చిత్రం ప్రీ రిలీజ్‌ వేడుకను మించి ‘సైరా’ వేడుకను నిర్వహించాలని మెగా కాంపౌండ్‌ ప్రయత్నాలు చేస్తోంది. విశ్వసనీయంగా అందుతున్న సమాచారం ప్రకారం హైదరాబాద్‌లో భారీ ఎత్తున ఈ వేడుకకు ప్లాన్‌ చేశారు.

అమితాబచ్చన్‌, రజినీకాంత్‌ వంటి సూపర్‌ స్టార్స్‌ రావడంతో పాటు మెగా అభిమానులు లక్షల్లో తరలి రాబోతున్నారు. అందుకే ఒక భారీ వేదికను ప్లాన్‌ చేస్తున్నారు. ఇండోర్‌ కాకుండా ఔట్‌ డోర్‌లోనే సైరా వేడుకను ఏర్పాట్లు చేస్తున్నారు. సైరా చిత్రం కోసం చిరంజీవి చాలా కష్టపడ్డాడు. రీ ఎంట్రీ ఖైదీ నెం.150 తో ఇచ్చినప్పటికి చిరంజీవికి ఇది అసలైన రీ ఎంట్రీ అంటూ మెగా ఫ్యాన్స్‌ నమ్మకంగా చెబుతున్నారు. సురేందర్‌ రెడ్డి దర్శకత్వంలో రామ్‌ చరణ్‌ నిర్మించిన ఈ చిత్రం అక్టోబర్‌ 2న ప్రేక్షకుల ముందుకు రాబోతుంది. విడుదలకు నెల రోజులు సమయం ఉండగా ప్రమోషన్‌ కార్యక్రమాల జోరు పెంచుతున్నారు.