1857 నాటి ప్రథమ భారత స్వాతంత్య్ర సంగ్రామానికి ముందే తెల్లదొర తనంపై యుద్ధం చేసిన ధీరుడు ఉయ్యాలవాడ నరసింహారెడ్డి జీవిత కథతో సురేందర్‌ రెడ్డి దర్శకత్వంలో మెగాస్టార్ చిరంజీవి నటిస్తున్న ” సైరా నరసింహారెడ్డి “. మెగాస్టార్ పుట్టినరోజు కానుకగా మంగళవారం సైరా టీజర్ ని విడుదల చేసిన సంగతి తెలిసిందే. సైరా నరసింహారెడ్డి సినిమాని మెగాస్టార్ తనయుడు మెగా పవర్ స్టార్ రామ్ చరణ్ నిర్మిస్తుండగా, బిగ్ బీ అమితాబ్, నయనతార, విజయ్ సేతుపతి, కిచ్చ సుధీప్, జగపతిబాబు.. తదితరులు కీలక పాత్రల్లో నటిస్తున్నారు. బాలీవుడ్ సంగీత త్రయం అమిత్ త్రివేది సైరా కు సంగీతం అందిస్తున్నాడు.
టీజర్ విడుదలైన 24 గంటల్లోనే 12 మిలియన్ల డిజిటల్ వ్యూస్ వచ్చాయి. ఇప్పడు ఈ టీజర్ దెబ్బకు సోషల్ మీడియా షేక్ అయిపోతోంది. యూట్యూబ్ బద్దలైపోతోంది. విడుదలైన 24 గంటల్లో అత్యధిక డిజిటల్ వ్యూస్ సాధించిన టీజర్‌గా ‘సైరా’ రికార్డులకెక్కింది. ఇప్పటి వరకు తెలుగు సినిమా చరిత్రలో ఇదే టాప్‌ అంటున్నారు.
ఈ ఏడాది లో ‘భరత్ అనే నేను’ టీజర్ 24 గంటల్లో 9.1 మిలియన్ వ్యూస్ సాధించింది. ‘అజ్ఞాతవాసి’ టీజర్ 6.4 మిలియన్ వ్యూస్, ‘రంగస్థలం’ టీజర్ 5.9 మిలియన్ వ్యూస్ సాధించాయి. ఇటీవల విడుదలైన ‘అరవింద సమేత’ టీజర్ 24 గంటల్లో 5.88 మిలియన్ వ్యూస్ సొంతం చేసుకుంది.ఇప్పుడు వీటన్నిటికీ అందనంత దూరంలో ‘సైరా’ టీజర్ రికార్డ్ వ్యూస్ సాధించింది