టీజర్ తోనే రికార్డులకి తెరలేపాడు ‘సైరా నరసింహారెడ్డి’. మెగాస్టార్ పుట్టినరోజు కానుకగా మంగళవారం సైరా టీజర్ ని విడుదల చేసిన సంగతి తెలిసిందే. టీజర్ విడుదలైన 24 గంటల్లోనే 12 మిలియన్ల డిజిటల్ వ్యూస్ వచ్చాయి. ఇప్పడు ఈ టీజర్ దెబ్బకు సోషల్ మీడియా షేక్ అయిపోతోంది. యూట్యూబ్ బద్దలైపోతోంది.
ఇప్పుడు ‘సైరా నరసింహారెడ్డి’ సినిమాలోని చేతులు విరిచేశాం.. ముఖం ముందు ఉరితాడు ఉంది.. ఏంట్రా ఆ ధైర్యం అని విలన్ అంటే.. చచ్చి పుట్టిన వాడిని.. చనిపోయిన తరువాత కూడా బ్రతికే వాడిని.. చావంటే నాకెందురా భయం‘ అనే ఒక డైలాగ్ లీక్ అయ్యింది. దీన్ని లీక్ చేసింది ఎవరు కాదు ఈ చిత్రానికి రచయితలుగా వ్యవహరిస్తున్నా పరుచూరి బ్రదర్స్. సంతోషాన్ని ఆపుకోలేక అభిమానులతో ఈ డైలాగ్ పంచుకోవాలనిపించింది అని పరుచూరి అన్నారు. అందుకే లీక్ చేస్తున్నా. చిరంజీవికి కోపం వస్తుందేమో అని అన్నారు.
దర్శకుడు సురేందర్ రెడ్డి, పరుచూరి బ్రదర్స్ ఉయ్యాలవాడ నరసింహారెడ్డి జీవితం గురించి అధ్యనం చేసి ఈ కథని రూపొందించారు. అసలు ఈ సినిమాని 2006 లో తెరకెక్కించాలి కాని అప్పుడు కుదరలేదు. ఇన్నాళ్లకి ఇప్పుడు కుదిరింది అని పరుచూరి అన్నారు. సైరా చిత్రన్ని దాదాపు 200 కోట్ల భారీ బడ్జెట్ తో రామ్ చరణ్ నిర్మిస్తున్నాడు. హాలీవుడ్ కొరియోగ్రాఫర్స్ ఆధ్వర్యంలో భారీ పోరాట సన్నివేశాలు తెరకెక్కిస్తున్నారు.
