సూర్య హీరోగా న‌టిస్తున్నత‌మిళ చిత్రం `సూర‌రాయి పోట్రు`. సుధా కొంగ‌ర ద‌ర్శ‌క‌త్వం వ‌హిస్తున్నారు. తెలుగులో `ఆకాశ‌మే నీ హ‌ద్దురా` పేరుతో రిలీజ్ కాబోతోంది. ఏయిర్ డెక్క‌న్ ఫౌండ‌ర్ జి.ఆర్‌. గోపీనాథ్ జీవిత క‌థ ఆధారంగా ఈ చిత్రాన్ని రూపొందిస్తున్నారు.
శరవేగంగా చిత్రీకరణ జరుపుకొంటున్న ఈ సినిమా షూటింగ్‌ కరోనా కారణంగా తాత్కాలికంగా వాయిదా పడింది. ఈ నేపథ్యంలో చిత్ర బృందం మేకింగ్‌ వీడియోను అభిమానులతో పంచుకుంది.
44ఏళ్ల వయసున్న సూర్య యంగ్‌గా 19ఏళ్ల వ్యక్తిగా కనిపించడానికి ఎలా మారాడన్న వీడియోను షేర్‌ చేసింది. దర్శకురాలు సుధా కొంగరా చెప్పిన పాత్ర కోసం సూర్య ఎలాంటి కసరత్తులు చేశారు. ఎలాంటి డైట్‌ పాటించారన్న విషయాలను అందులో చూపించారు. ఈ వీడియో అభిమానులని ఆకట్టుకుటుంది.
