తమిళ్ హీరో సూర్య అభిమానులకు రిక్వెస్ట్ చేసారు. పేదలకు ఎంతవరకు సాయం చేయగలరో అంతవరకు మాత్ర‌మే చేయ‌మ‌న్న సూర్య..ఇలాంటి సంక్షోభ ప‌రిస్థితుల్లో సేవ చేయడం మాములు విష‌యం కాద‌న్నారు. అయితే త‌న‌కు బాధ‌కు గురిచేసే ప‌నుల‌కు మాత్రం దూరంగా ఉండాల‌ని కోరారు. కాగా కొంద‌రు ప్లాస్టిక్ వాట‌ర్ బాటిల్స్ ఉప‌యోగిస్తున్న‌ట్టు త‌న‌కు తెలిసింద‌ని..అలాంటివాటిని సాధ్య‌మైనంద‌వ‌ర‌కు నిషేధించాల‌ని కోరారు.
ప్ర‌స్తుతం అగ‌రం ఫౌండేషన్ ద్వారా పేద విద్యార్థులు చ‌దువుకునేందుకు సూర్య స‌హాయం చేస్తోన్న సంగ‌తి తెలిసిందే. అంతేకాదు లాక్‌డౌన్‌ కారణంగా ఇబ్బందులకు ఎదుర్కొంటున్న సినీ కార్మికులకు అండ‌గా నిలిచి మొద‌ట‌గా ఆర్థిక సహాయాన్ని అందించారు. సూర్య అభిమానులు సైతం ఆయ‌న బాట‌లోనే న‌డుస్తూ ప్ర‌స్తుతం సేవా కార్య‌క్ర‌మాలు చేస్తున్నారు.
