‘ఆర్ఎక్స్ 100’ చిత్ర దర్శకుడు అజయ్ భూపతి దర్శకత్వంలో తెరకెక్కిన చిత్రం ‘మంగళవారం’. పాయల్ రాజ్‌పుత్ ప్రధాన పాత్రలో నటించిన ఈ చిత్రానికి థియేటర్లలో అన్ని వర్గాల ప్రేక్షకుల తో పాటు విమర్శకుల ప్రశంసలూ అందాయి. ఈ చిత్రం ఇటీవల డిస్ని హాట్ స్టార్ లో విడుదలవ్వగా దేశవ్యాప్తంగా అనూహ్య స్పందన లభించింది.
మంచి కథని ఆదరించే మన ప్రేక్షకులకి సినిమాల పై ఉండే మక్కువ తెలిసిందేగా. అదే రుజువు చేస్తూ తాజాగా ‘మంగళవారం’ టీవీ ప్రీమియర్ కి 8.3 టి.ఆర్.పి వచ్చింది. పెద్ద హీరోల చిత్రాలకి మాత్రమే వచ్చే రేటింగులకి ధీటుగా ‘మంగళవారం’ కథ ప్రేక్షకులకి ఎంతగా చేరిందో తెలుస్తుంది. ఇప్పటికే విడుదలయిన మూడు మాధ్యమాల్లో బ్లాక్ బస్టర్ రెస్పాన్స్ రావడంతో దర్శకుడు అజయ్ భూపతి, నిర్మాతలు స్వాతి రెడ్డి గునుపాటి, సురేష్ వర్మ .ఎం సంతోషం వ్యక్తం చేసారు.
తెలుగు, తమిళ, కన్నడ, మలయాళ, హిందీ భాషల్లో తెరకెక్కిన ఈ చిత్రాన్ని ముద్ర మీడియా వర్క్స్ పతాకంపై స్వాతి రెడ్డి గునుపాటి, సురేష్ వర్మ నిర్మించారు.
