త్రివిక్రమ్ డైరెక్షన్ లో మహేష్ బాబు తన తదుపరి సినిమా చేస్తున్న సంగతి తెలిసిందే. ఈ సినిమాపై అంచనాలు భారీగానే ఉన్నాయి. మహేష్ బాబు ప్రస్తుతం పరశురామ్ దర్శకత్వంలో సర్కారు వారి పాట చిత్రంలో నటిస్తున్నాడు, ఈ సినిమా షూటింగ్ పూర్తయ్యాక త్రివిక్రమ్ తో సినిమా పట్టాలెక్కనుంది. ప్రస్తుతం ప్రీ ప్రొడక్షన్ పనులు ముమ్మరంగా సాగుతున్నాయి. కాగా, ఇందులో ఓ కీలక పాత్రకు గాను అక్కినేని ఫ్యామిలీకి చెందిన హీరో సుమంత్ ని తీసుకుంటున్నట్టు తెలుస్తోంది. కాగా ఈ చిత్రం కోసం త్రివిక్రమ్ భారీగా స్టార్ కాస్ట్ ని దింపుతున్నట్లు సమాచారం.