వారసత్వంతో ఎంట్రీ ఇచ్చిన వారు సక్సెస్‌ అవ్వడం చాలా తక్కువగా గమనిస్తూ ఉన్నాం. ఈమద్య కాలంలో చిన్నా చితకా వారసులు చాలా కష్టాలు పడి గుర్తింపు దక్కించుకునేందుకు ప్రయత్నాలు చేస్తున్నాడు. సూపర్‌ స్టార్‌ అల్లుడు, మహేష్‌బాబు బావగా తెలుగు ప్రేక్షకుల ముందుకు వచ్చిన సుధీర్‌ బాబు కెరీర్‌ ఆరంభంలో వరుసగా బాగానే ఆఫర్లు దక్కించుకున్నాడు. కాని వరుసగా ఫ్లాప్స్‌ వస్తున్న కారణంగా ఆయనకు సినిమాలో ఆఫర్లు తగ్గాయి. అయినా కూడా తన ప్రయత్నాలు ఆపడం లేదు. సిక్స్‌ ప్యాక్‌ చేయడంతో పాటు కండలు పెంచి హీరోయిజంను చూపించాలని చాలా ప్రయత్నిస్తున్నాడు.
ప్రస్తుతం ఈయన మోహనకృష్ణ ఇంద్రగంటి దర్శకత్వంలో తెరకెక్కుతున్న ‘వి’ చిత్రం కోసం సిద్దం అవుతున్నాడు. ఈ చిత్రంలో సుధీర్‌ బాబు సిక్స్‌ ప్యాక్‌తో కనిపించబోతున్నట్లుగా తెలుస్తోంది. సుధీర్‌ బాబు ఈ చిత్రం కోసం వర్కౌట్స్‌ చాలా కఠోరంగా చేస్తున్నాడు. ప్రస్తుతం సుధీర్‌ బాబు జాఫర్‌ అలీ ఆధ్వర్యంలో వర్కౌట్స్‌ చేస్తున్నాడు. రెగ్యులర్‌కు భిన్నంగా జాఫర్‌ అలీ వర్కౌట్స్‌ చేయించాడు. ఒక కారును సుధీర్‌ బాబుతో నెట్టించాడు. అది కూడా మిట్టపైకి తోయడంతో సుధీర్‌ బాబుకు పెద్ద టాస్క్‌ ఇచ్చాడు. చాలా కష్టపడి సుధీర్‌ బాబు ఈ పని చేశాడు. ఈ వీడియోలో సుధీర్‌ బాబు ఎంతగా కష్టపడుతున్నాడో అర్థం చేసుకోవచ్చు.
.@isudheerbabu Extreme Body Transformation for Upcoming Projects #Sudheerbabu #Sudheer pic.twitter.com/qnHcChcoFe
— BARaju (@baraju_SuperHit) September 14, 2019
