గోల్కోండ హైస్కూల్, ఊపిరి వంటి సినిమాల్లో టీనేజ్ బాయ్ పాత్రల్లో నటించిన శ్రీనివాస సాయి హీరోగా పరిచయం అవుతున్న సినిమా శుభలేఖ+లు. దీక్షాశర్మ హీరోయిన్ గా నటిస్తుంది. ప్రియా వడ్లమాని కీలక పాత్రను పోషిస్తున్నది. హనుమా తెలుగు మూవీస్ పతాకంపై సి.విద్యాసాగర్, ఆర్.ఆర్.జనార్ధన్ నిర్మిస్తున్నారు.ఈ సినిమా ద్వారా శరత్ నర్వాడే దర్శకుడిగా పరిచయమవుతున్నాడు. ఈ చిత్ర థియేట్రికల్ ట్రైలర్‌ను దిల్‌రాజు శనివారం హైదరాబాద్‌లో విడుదల చేశారు.
ఈ సందర్భంగా దర్శకుడు చిత్ర విశేషాలు తెలియజేస్తూ దిల్‌రాజు ప్రొడక్షన్‌లో నేను పనిచేశాను. వెయ్యి అబద్ధాలాడైనా పెళ్లి జరిపించాలన్నది ఒకప్పటి మాట. ప్రస్తుతం ట్రెండ్ మారింది. ఇప్పుడు పెళ్లి కోసం ఆడే అబద్ధాలను ఎవరూ సహించలేకపోతున్నారు. ఈ అంశాన్ని చర్చిస్తూ శుభలేఖ+లు చిత్రాన్ని రూపొందించాం. టైటిల్‌లోని ప్లస్ సింబల్ గురించి చాలా మంది అడిగారు. పెళ్లి జరిగే క్రమంలో అక్కడికి వచ్చిన యువతలో ఎలాంటి మార్పులు వచ్చాయన్నదే చిత్ర కథ. దిల్‌రాజు గారు ట్రైలర్ విడుదల చేయడం ఆనందంగా ఉంది. నేటితరం యువతీ, యువకుల లైఫ్ స్టోరీ ఆధారంగా తెరకెక్కిన శుభలేఖలు చిత్రం అందరకి నచ్చుతుంది అని అనుకుంటున్నాను అని దర్శకుడు అన్నారు.
