టాలీవుడ్ స్టార్ హీరోలు మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటించిన భారీ ప్రతిష్టాత్మక మూవీ ‘ఆర్ఆర్ఆర్’ అంతర్జాతీయ వేదికపై సత్తా చాటింది. ప్రపంచదేశాల సినీ ప్రియులను మెప్పిస్తూ..విశ్వవేదికపై ఎన్నో అవార్డ్స్ అందుకుంది. అంతేకాదు సినీ పరిశ్రమలోని ప్రతి ఒక్కరు ఒక్కసారైనా అందుకోవాలనుకునే అత్యంత ప్రతిష్టాత్మక అవార్డ్ ఆస్కార్ను ఈ మూవీలోని నాటు నాటు సాంగ్ అందుకోవడం చరిత్రలో నిలిచిపోయే విశేషం. దీంతో అందరి ద్రుష్టి ఇప్పుడు ఆర్ఆర్ఆర్ సిక్వెల్ పైనే వుంది.
తాజాగా జక్కన్న ఓ మ్యాగజైన్ కు ఇచ్చిన ఇంటర్వ్యూలో, ఆర్ఆర్ఆర్ మూవీ సీక్వెల్ గురించి ఆలోచన ఉందని చెప్పారు కదా దాని గురించి చెప్పండి అని విలేకరి అడగగా.. తప్పకుండా సీక్వెల్ చేయాలనే ఆలోచన ఉంది, మా నాన్నగారు నేను కలిసి ఒక పాయింట్ అనుకున్నాము. అంతేకాదు మా నాన్న స్క్రిప్ట్ రాయడం ప్రారంభించారు. ఇక ప్రస్తుతం ఆస్కార్ తో సీక్వెల్ పై బాధ్యత మరింతగా పెరిగింది, దానిని తప్పకుండా గొప్ప సినిమాగా మలిచేందుకు ప్రయత్నిస్తాం అన్నారు.
