అందంతో పాటు నటనతో ఆకట్టుకుంటూ ముదరు హీరోయిన్‌ అయినా కూడా యమ బిజీగా సినిమాల్లో నటిస్తోంది శ్రియా. ఈ అమ్మడు ఒ వైపు హీరోయిన్‌గా నటిస్తూనే మరోవైపు వచ్చిన ఏ అవకాశాన్ని కూడా వదులుకోవడం లేదు. క్రియేటివ్‌ దర్శకుడు కృష్ణవంశీ తెరకెక్కిస్తున్న ‘నక్షత్రం’ సినిమాలో శ్రియా ప్రత్యేక పాటలో చిందులేస్తోంది. తాజాగా ఈ పాట చిత్రీకరణ షురూ చేశారు. ఇప్పటికే పలు మేకింగ్‌ వీడియోలు నెట్‌లో దర్శణం ఇచ్చాయి. ప్రత్యేక పాట ప్రమోషన్‌ కోసం చిత్ర యూనిట్‌ వారే కావాలని వాటిని షేర్‌ చేశారు.
ఎప్పటి నుండో షూటింగ్‌ జరుపుకుంటున్న ఈ చిత్రానికి పెద్దగా ఫేం ఏం లేదు, ఐటెంతో అయినా కాస్త క్రేజ్‌ తీసుకురావాలని ఈ చిత్రంలో ప్రత్యేక పాటను ప్రత్యేకంగా తెరకెక్కించాడు దర్శకుడు. రాత్రి సమయంలో సాగే చిందులతో ఈ ఐటెం సాంగ్ ఉండబోతుంది. టైం లేదు గురూ… అంటూ తొందర పడడానికి కారణాలను చెబుతూ ఈ పాట సాగుతుంది. సినిమా అంతా ఎలా ఉన్నా కూడా ఐటెంకు అంతా ఫిదా అవ్వాల్సిందే అని టాక్‌ వినిపిస్తోంది. ఈ పాటలోని లిరిక్స్‌, శ్రియా అందాలు అంతలా ఉంటాయట. కృష్ణవంశీ ఈ పాటపై చాలా ఫోకస్‌ పెట్టినట్టు తెలుస్తోంది.
