కరోనా మహమ్మారి కట్టడి కోసం నిరంతరం శ్రమిస్తున్న పోలీసులను ప్రశంసించడమే కాకుండా తమ వంతు సాయం అందించడానికి టాలీవుడ్‌ హీరో శ్రీకాంత్ ముందుకు వచ్చారు. పోలీసులకు శానిటైజర్లు, ఆహారాన్ని అందించి తన ఉదారతను చాటుకున్నాడు. రాయదుర్గం పోలీస్‌ స్టేషన్‌లో పనిచేస్తున్న పోలీసులకు, ఇతర సిబ్బందికి వీటిని అందించి క్లిష్ట సమయంలో పోలీసులు చేస్తున్న సేవలను శ్రీకాంత్ కొనియాడాడు.
కాగ ఏపీలో కరోనా పాజిటివ్‌ కేసుల సంఖ్య వేగంగా పెరుగుతున్నాయి. కొత్తగా 12 కేసులు నమోదైనట్లు అధికారులు తెలిపారు. నిన్న రాత్రి 9 నుంచి ఈరోజు ఉదయం 9 గంటల వరకు ఈ కేసులు నమోదైనట్లు తాజా బులిటెన్‌లో వెల్లడించారు. తాజాగా గుంటూరులో 8, చిత్తూరులో 2, కృష్ణా, పశ్చిమ గోదావరి జిల్లాల్లో ఒక్కో కేసు చొప్పున నమోదయ్యాయి. దీంతో రాష్ట్రంలో నమోదైన మొత్తం కేసుల సంఖ్య 432కి పెరిగింది.
