బ్యాంగ్ బ్రదర్స్ శ్రీ విష్ణు, ప్రియదర్శి, రాహుల్ రామకృష్ణ ‘హుషారు’ ఫేమ్ శ్రీ హర్ష కొనుగంటి దర్శకత్వం వహించిన ‘ఓం భీమ్ బుష్’ అవుట్ అండ్ అవుట్- ఎంటర్‌టైనర్ ప్రీ-లుక్ గ్లింప్స్ , ఫస్ట్-లుక్ పోస్టర్‌తో నవ్వులు పూయించారు. వి సెల్యులాయిడ్, సునీల్ బలుసు కలిసి ఈ ప్రాజెక్ట్‌ను నిర్మిస్తుండగా, యువి క్రియేషన్స్ సమర్పిస్తుంది. ఇప్పుడు బ్యాంగ్ బ్రదర్స్ ఎంటర్టైన్మెంట్ వరల్డ్ ని ప్రజెంట్ చేస్తూ టీజర్ గ్రాండ్ గా లాంచ్ చేశారు. టీజర్ లాంచ్ ఈవెంట్ లో శ్రీ విష్ణు, ప్రియదర్శి, రాహుల్ రామకృష్ణ ఆస్ట్రోనాట్స్ స్పేస్ సూట్ లో పాల్గొనడం అందరినీ విశేషంగా అలరించింది.
టీజర్ ఆద్యంతం వినోదభరితంగా, ఒక ఫన్ రైడ్ లా సాగింది. ఇక శ్రీవిష్ణు, ప్రియదర్శి, రాహుల్ రామకృష్ణ అద్భుతమైన కామిక్ టైమింగ్‌తో ఆకట్టుకున్నారు. ప్రీతి ముకుందన్, అయేషా ఖాన్ కథానాయికలుగా నటిస్తున్న ఈ చిత్రంలో శ్రీకాంత్ అయ్యంగార్, ఆదిత్య మీనన్, రచ్చరవి కీలక పాత్రల్లో కనిపించనున్నారు. ‘ఓం భీమ్ బుష్’ మార్చి 22న ప్రేక్షకుల ముందుకు రానుంది.
టీజర్ లాంచ్ ఈవెంట్ లో హీరో శ్రీ విష్ణు మాట్లాడుతూ.. “ఈ సినిమాని పూర్తిగా ఇంగ్లీష్ లో తీసి హాలీవుడ్ లో విడుదల చేయాలని అనుకున్నాం. ఇది పాన్ వరల్డ్ సినిమాలా ఎక్కడ రిలీజ్ చేసినా ఆడుతుంది. ఇలాంటి పాయింట్ తో సినిమా ఇప్పటివరకూ ఎవరూ తీయలేదు. మా ముగ్గురు పాత్రలకు ప్రేక్షకులు విపరీతంగా కనెక్ట్ అవుతారు. రెండుగంటల పాటు పొట్ట చెక్కలయ్యేలా నవ్వుతారు. అందులో డౌట్ లేదు. ఈ సినిమా గుప్త నిధులు గురించి. దాని కోసం ముగ్గురు శాస్త్రవేత్తలు ఏం చేశారనేది చాలా ఆసక్తిగా వుంటుంది. ఈ సినిమా చేయడం చాలా ఆనందంగా వుంది. సునీల్ గారికి యువీ క్రియేషన్స్ కి ధన్యవాదాలు. దర్శకుడు హర్ష గురించి చాలా చెప్పాలి. తనతో వర్క్ ని చాలా ఎంజాయ్ చేశాం. ఈ డ్రెస్ తో షూటింగ్ చేయడం కష్టం అనిపించినప్పటికీ ఎంజాయ్ చేశాం. చాలా కొత్త లోకేషన్స్ లో ఈ సినిమా చేశాం. శ్రీకాంత్ గొప్పగా ఆర్ట్ డైరెక్షన్ చేశారు. సినిమాలో పని చేసిన అందరికీ పేరుపేరునా ధన్యవాదాలు. మార్చి 22న థియేటర్స్ లో కలుద్దాం” అన్నారు.
