‘సాహో’ నిజమైన గన్స్‌ వాడారట

ప్రస్తుతం దేశ వ్యాప్తంగా ప్రేక్షకుల దృష్టిని ఆకర్షిస్తున్న చిత్రం ‘సాహో’. కేవలం ఇండియాలోనే కాకుండా ఇతర దేశాల్లో కూడా భారీ ఎత్తున సినిమాను విడుదల చేసేందుకు ఏర్పాట్లు పూర్తి చేశారు. ప్రస్తుతం సినిమా విడుదల సందర్బంగా చిత్ర యూనిట్‌ సభ్యులు భారీ ఎత్తున ప్రమోషన్‌ కార్యక్రమాలు చేస్తున్నారు. అందులో భాగంగా సినిమాకు సంబంధించిన వివరాలను పెద్ద ఎత్తున అందిస్తూ సినిమాపై అంచనాలు పెంచుతున్నారు. సాహో చిత్రంలో హీరోయిన్‌గా నటించిన శ్రద్దా కపూర్‌ తాజాగా మీడియా ముందుకు వచ్చింది. ఆమె ఆసక్తికర విషయాలను వెళ్లడించింది.

శ్రద్దా మాట్లాడుతూ.. ఈ చిత్రం కోసం ప్రతి ఒక్కరం కూడా చాలా కష్టపడ్డాం. పూర్తి ఎఫర్ట్‌ పెట్టి ఈ చిత్రం కోసం వర్క్‌ చేయడం జరిగింది. ప్రభాస్‌తో వర్క్‌ ఎక్స్‌పీరియన్స్‌ నాకు ఎంతో నచ్చిందని చెప్పింది. ఇక ఈ చిత్రంలో ఎక్కువగా గన్స్‌ వాడటం జరిగింది. నాచురాలిటీ కోసం డమ్మీ గన్స్‌ కాకుండా నిజమైన గన్స్‌ను వాడటం జరిగింది. ముఖ్యంగా మెయిన్‌ లీడ్‌ వాడిన గన్స్‌ మొత్తం కూడా నిజమైన గన్స్‌. నా జీవితంలో మొదటి సారి నిజమైన గన్‌ను పట్టుకోవడం జరిగింది. అయితే ఆ గన్స్‌లో బుల్లెట్లు తీసి వేయడం జరిగింది. బుల్లెట్లు లేకుండా నిజమైన గన్స్‌ను వాడామని శ్రద్దా కపూర్‌ చెప్పుకొచ్చింది.