ఇంత‌కాలం ప‌వ‌న్ క‌ల్యాణ్‌ని అంతా ఎడా పెడా వాడుకొన్నారు. ఇప్పుడు వారి రూటు మారింది. మహేష్ బాబుపై ప‌డ్డారు. మహేష్ సినిమా పాట‌ల్ని, మాట‌ల్ని టైటిళ్లుగా వాడుకొంటున్నారు. ఆడియో పండ‌గ‌ల‌కు అతిథిగా పిలుస్తున్నారు. ఇప్పుడు ఏకంగా ఓ సినిమాలో మహేష్ పై పాటే పెట్టేశారు. మారుతి సినిమా ‘ఐ లవ్ యు బంగారం ‘లో మహేష్ బాబుపై ఓ పాట ఉంది. మహేష్ అందాన్ని, సినిమాల్నీ కీర్తిస్తూ ఓ పాట రూపొందించారు. అయితే ఇది ఐటెమ్ సాంగ్ గా వ‌స్తుంది. ‘మిల్క్ బాయ్‌… నా డ్రీమ్ బోయ్ ‘అంటూ సాగే ఈ గీతం మహేష్ అభిమానుల‌కు న‌చ్చుతుంద‌ని చిత్రబృందం చెబుతోంది. మహేష్ ఫ్యాన్స్ కి గాల‌మేస్తున్న మారుతి అందులో ఎంత వ‌ర‌కూ విజ‌యం సాధిస్తాడో చూడాలి.
