బాలీవుడ్ హాట్ బ్యూటీ సోనమ్ కపూర్..శనివారం పండంటి మగ బిడ్డకు జన్మనిచ్చింది. ఈ విషయాన్ని అనిల్ కపూర్ ఫ్యామిలీ మెంబర్లు అధికారికంగా వెల్లడించారు. అదే సమయంలో అటు సోనమ్ కపూర్, ఇటు ఆమె భర్త ఆనంద్ కూడా సోషల్ మీడియా ఖాతాల ద్వారా ఈ విషయాన్ని వెల్లడించారు. దీంతో వాళ్లకు ప్రముఖుల శుభాకాంక్షలు వెల్లువెత్తున్నాయి.
‘ఆగస్టు 20, 2022.. మా బాబు ఈ ప్రపంచంలోకి అడుగుపెట్టాడు. డాక్టర్స్, నర్సులు, ఫ్యామిలీ, స్నేహితులు.. ఈ జర్నీలో నాకు సపోర్ట్ చేసిన ప్రతి ఒక్కరికి ధన్యవాదాలు తెలుపుతున్నాను. ఇది ప్రారంభం మాత్రమే, మా బాబు రాకతో మా జీవితాలే మారిపోతాయన్న విషయం మాకు తెలుసు. ఇట్లు మీ సోనమ్ ఆనంద్’ అని పోస్ట్ చేసింది.
అనిల్ కపూర్ కూతురిగా పాపులర్ అయినా సోనమ్ కపూర్.. 2007లో వచ్చిన ‘సవారియా’ అనే చిత్రంతో హీరోయిన్‌గా ఎంట్రీ ఇచ్చింది. మొదటి చిత్రంలోనే అద్భుతమైన అభినయాన్ని కనబరిచింది. దీంతో అందరి దృష్టినీ ఆకర్షించడంతో పాటు గ్రాండ్ ఎంట్రీని కూడా సొంతం చేసుకుంది. తర్వాత ఎన్నో విజయాలను అందుకుని స్టార్ హీరోయిన్‌గా ఎదిగింది. చిత్రసీమలో రాణిస్తున్న టైం లోనే ప్రముఖ వ్యాపారవేత్త ఆనంద్ అహూజాను పెళ్లాడింది. వివాహం తర్వాత తన పేరును సోనమ్ కపూర్ అహుజా అని మార్చుకుంది.
