ప్రభాస్ ఫై ప్రశంసల జల్లు కురిపించిన టీడీపీ నేత

యంగ్ రెబల్ స్టార్ ప్రభాస్ ఫై ప్రశంసల జల్లు కురిపించారు టీడీపీ సీనియర్ నేత, మాజీమంత్రి సోమిరెడ్డి చంద్రమోహన్ రెడ్డి. కరోనా వైరస్ కారణంగా దేశ వ్యాప్తంగా లాక్ డౌన్ నడుస్తున్న సంగతి తెలిసిందే. ఈ లాక్ డౌన్ కారణంగా అన్ని సంస్థలు , రవాణా వ్యవస్థ ఆఖరకు సినిమా షూటింగ్ లు సైతం బంద్ అయ్యాయి. దీంతో ప్రజలు నానా ఇబ్బందులు పడుతున్నారు. ఇలాంటి విపత్కర పరిస్థితుల్లో రాజకీయ, వ్యాపార ప్రముఖులు.. సినిమా సెలబ్రిటీలు అండగా నిలుస్తున్నారు.

ఇప్పటికే తెలుగు చిత్రసీమ నుండి అనేక మంది సినీ ప్రముఖులు భారీ విరాళాలు ప్రకటించి వారి గొప్ప మనసు చాటుకోగా..ప్రభాస్ అందరికంటే ఎక్కువ మొత్తం లో విరాళం అందివ్వడం తో అంత ఆయన్ను ప్రశంసల తో నింపేస్తున్నారు. తాజాగా టీడీపీ సీనియర్ నేత, మాజీమంత్రి సోమిరెడ్డి చంద్రమోహన్ రెడ్డి ఆకాశానికి ఎత్తేశారు. బాహుబలి చిత్ర రికార్డుల్లోనే కాదు, కరోనా విరాళాల్లోనూ తెలుగు సినీ రంగంలో ప్రభాస్ ముందుండటం అభినందనీయం అన్నారు. చిన్న వయసులోనే పెద్ద మనసు చాటుకుంటూ ప్రధాన మంత్రి సహాయ నిధికి రూ.3కోట్లు.. తెలుగు రాష్ట్రాల ముఖ్యమంత్రుల సహాయ నిధులకు చెరో రూ.కోటి ఇవ్వడం చాలా గొప్ప విషయం అన్నారు.