స్టయిలిష్‌ స్టార్‌ అల్లు అర్జున్‌ తన ప్రేయసి స్నేహ రెడ్డిని పరిణయమాడి ఇద్దరు పిల్లలకు తండ్రయ్యాడు. పెళ్లి తర్వాత హాయిగా ఏ ఇబ్బంది లేకుండా సినిమాలు చేస్తున్న బన్నీకి స్నేహ రెడ్డి చాలా సపోర్ట్‌ చేస్తుందట. భార్య సపోర్ట్‌ లేనిది సినీ పరిశ్రమలో నెగ్గుకురావడం కష్టం కదా. అందుకే స్నేహ కూడా బన్నీకి చాలా సపోర్ట్‌ చేస్తుంది అని బన్నీ చాలాసార్లు మీడియా ముందు చెప్పుకొచ్చాడు. బన్నీకి భార్య అయ్యాక కామ్‌గా తన పనులు తాను చేసుకుంటున్న స్నేహ రెడ్డి తాజాగా హైద్రాబాద్‌లోని ఓ ఫ్యాషన్‌ షోరూం ప్రారంభోత్సవానికి హాజరయింది. ఈ కార్యక్రమానికి తాను కూడా హీరోయిన్‌ మాదిరిగా డ్రస్‌ అప్‌ అయ్యి వచ్చింది. దాంతో స్నేహను చూసిన వారంతా కూడా షాకయ్యారు.
ఇది వరకు బన్నీ పక్కన కనిపించిన స్నేహ రెడ్డి తెలుగింటి కోడలిగా దర్శణం ఇవ్వగా తాజాగా మోడ్రన్‌ డ్రస్‌లో కనిపించే వరకు అంతా అవాక్కయ్యారు. షోల్డర్‌ డ్రాప్‌ డ్రస్‌ వేసుకుని హీరోయిన్‌కు ఏమాత్రం తీసిపోకుండా ఆకట్టుకుంది. ఇది చూసిన అల్లు అభిమానులు స్నేహ ఏంటి ఈ లుక్స్‌… హీరోయిన్‌గా ట్రై చేస్తావా అని ప్రశ్నిస్తున్నారు. మొత్తానికి స్నేహ అందం మాత్రం ఇద్దరు పిల్లలు పుట్టినా కూడా హీరోయిన్‌కు ఏ మాత్రం తీసిపోని విధంగా ఉంది.
