మహేశ్‌బాబు కుమార్తె సితార రెండేళ్ల వయసు నుంచే నాన్న పాటలకు డ్యాన్స్ చేయడం మొదలెట్టేసింది. పాప ‘ఆగడు’ సెట్‌లో ముద్దుముద్దుగా డ్యాన్స్ చేస్తున్న వీడియోను నమ్రత ఇన్‌స్టాగ్రామ్‌లో షేర్‌ చేశారు. ఈస్టర్‌ ప్రత్యేకంగా దీన్ని అభిమానులతో పంచుకుంటున్నట్లు తెలిపారు.
‘తూ ఆజా సరోజా..’ పాట షూట్‌ కోసం చిత్ర బృందంతోపాటు మహేశ్‌ కుటుంబం కూడా విదేశాలకు వెళ్లింది. ఆ సమయంలో సితార డ్యాన్స్ చేస్తుండగా వీడియోను చిత్రీకరించారు. పాపకు దూరంగా నిల్చోన్న మహేశ్‌ మురిసిపోతూ కనిపించారు. ఇది ప్రస్తుతం సోషల్‌మీడియాలో వైరల్‌ అవుతోంది.
