కొన్నాళ్ళుగా స‌రైన హిట్స్ లేని హీరోలు సునీల్, అల్లరి నరేష్ లను హీరోలుగా పెట్టి భీమినేని శ్రీనివాస్ తెర‌కెక్కిస్తున్న మ‌ల్టీ స్టార‌ర్ మూవీ సిల్లీ ఫెల్లోస్. ఈ చిత్రంలో హీరోయిన్లుగా పూర్ణ, చిత్ర శుక్లాలు న‌టిస్తున్నారు. బ్లూ ప్లానెట్‌ ఎంటర్‌టైన్మెంట్స్‌, పీపుల్స్‌ మీడియా ఫ్యాక్టరీలు సంయుక్తంగా ఈ చిత్రాన్ని నిర్మిస్తున్నాయి. తాజాగా చిత్ర మోష‌న్ పోస్ట‌ర్ రిలీజ్ చేశారు. బైక్‌ పైన వెళుతున్న నరేష్, గాల్లో వేలాడుతున్న సునీల్ మధ్య జరిగే సంభాషణతో ఈ టీజర్‌ను డిజైన్‌ చేశారు.
అదికాక వీళ్లిద్దరు హీరోలుగా కాకుండా మరొక హీరోల సినిమాలో కూడా ప్రధాన పాత్రలు పోషిస్తున్నారు. సునీల్ మళ్ళి ఎన్టీఆర్ అరవింద సమేత సినిమాలో కమెడియన్ గా నటిస్తున్నాడు. అలాగే నరేష్ కూడా మహేష్ మహర్షి సినిమాలో ఫ్రెండ్ పాత్రలో నటిస్తున్నాడు. గతంలో అల్లరి నరేష్ హీరోగా తొట్టిగ్యాంగ్ సినిమాలో సునీల్ కమెడియన్ గా నటించాడు. అప్పుడు నరేష్ హీరో, సునీల్ కమెడియన్. ఇప్పుడు సిల్లీ ఫెల్లోస్ లో సునీల్, నరేష్ లు హీరోలు. సెప్టెంబర్ 7న ఈ చిత్రం ప్రేక్షకులు ముందుకు రానుంది.
