Siddu Jonnalagadda : సిద్దు జొన్నలగడ్డ ‘తెలుసు కదా’.. షూటింగ్ బిగిన్స్

Siddu Jonnalagadda Telusu Kada Movie : స్టార్ బాయ్ సిద్దు జొన్నలగడ్డ టిల్లు స్క్వేర్ సెన్సేషనల్ బ్లాక్‌బస్టర్ సక్సెస్ తర్వాత తన నెక్స్ట్ ప్రాజెక్ట్ ‘తెలుసు కదా’ తో అలరించబోతున్నారు. ఈ చిత్రంతో ప్రఖ్యాత స్టైలిస్ట్ నీరజ కోన దర్శకురాలిగా అరంగేట్రం చేస్తున్నారు. హై ప్రొడక్షన్ స్టాండర్డ్స్‌కు పేరుగాంచిన పీపుల్ మీడియా ఫ్యాక్టరీ నిర్మాణంలో వస్తున్న ఈ చిత్రం రెగ్యులర్ షూటింగ్ తాజాగా ప్రారంభమైంది.

Also Read : మరో సారి గొప్ప మనసు చాటుకున్న అల్లు అర్జున్..

దీనికి సంబంధించిన ఒక వీడియోను పీపుల్ మీడియా ఫ్యాక్టరీ ఎక్స్ వేదికగా రిలీజ్ చేసింది. ప్రారంభ షెడ్యూల్ 30 రోజుల పాటు సాగనుంది. ఇక మొదటి రోజు షూటింగ్‌లో రాశి ఖన్నా సిద్దూతో కలిసి జాయిన్ అయింది. ఈ చిత్రంలో శ్రీనిధి శెట్టి ఇతర కథానాయికగా నటిస్తుండగా, వైవా హర్ష ఒక ముఖ్యమైన పాత్రను పోషించారు. కాగా, ఇది ఓ రొమాంటిక్ సినిమాగా తెరకెక్కబోతుంది. ఈ చిత్రాన్ని టీజీ విశ్వ ప్రసాద్ భారీ బడ్జెట్‌తో నిర్మిస్తుండగా, థమన్ సంగీతం అందిస్తున్నారు. జ్ఞాన శేఖర్ బాబా సినిమాటోగ్రఫీని నిర్వహిస్తున్నారు. నేషనల్ అవార్డ్ విన్నింగ్ టెక్నీషియన్ నవీన్ నూలి ఎడిటర్. బిజీ ప్రొడక్షన్ డిజైనర్లలో ఒకరైన అవినాష్ కొల్లా ఈ చిత్రానికి ప్రొడక్షన్ డిజైనర్. శీతల్ శర్మ కాస్ట్యూమ్స్ డిజైన్ చేస్తున్నారు.

Also Read : పుష్ప 2 క్లైమాక్స్ గూస్ బంప్స్ అంతే..!