క్రాక్ మూవీ తో హిట్ కొట్టిన డైరెక్టర్ గోపీచంద్ మలినేని తన తదుపరి చిత్రాన్ని బాలకృష్ణ తో ఒక యాక్షన్ ఎంటర్టైనర్ చేస్తున్న సంగతి తెలిసిందే. ఇప్పటికే స్క్రిప్ట్ పనులు పూర్తయిన ఈ చిత్రాన్ని పట్టాలెక్కించే పనిలో ఉన్నాడు డైరెక్టర్ గోపీచంద్ మలినేని. రాయలసీమ నేపథ్యంలోనే ఈ కథ నడుస్తుందని అంటున్నారు. వేటపాలెం గ్యాంగ్ ఎపిసోడ్ కూడా ఈ సినిమాలో ఉండనుంది అంటూ వార్తలు వస్తున్నాయి. అయితే ఈ చిత్రం హీరోయిన్ ఎంపికపై ఇంకా క్లారిటీ రాలేదు.
తాజా సమాచారం ప్రకారం ఇంతకుముందు గోపీచంద్ మలినేని దర్శకత్వంలో బలుపు, క్రాక్ సినిమాల్లో నటించిన శృతి హాసన్ నే ఈ చిత్రంలో కూడా కంటిన్యూ చేస్తున్నట్లు తెలుస్తుంది. ప్రస్తుతం బోయపాటి దర్శకత్వంలో బాలకృష్ణ చేస్తున్న ‘అఖండ’ సినిమా చేస్తున్న సంగతి తెలిసిందే. ఈ చిత్రాన్ని దసరా కి రిలీజ్ చేస్తుండడంతో అప్పుడే ఈ చిత్రాన్ని లాంచ్ చేసేందుకు సన్నాహాలు చేస్తున్నారు.
