బాలీవుడ్‌తో పాటు సౌత్‌ సినీ ఇండస్ట్రీల్లో కూడా తనకంటూ ఒక ప్రత్యేక గుర్తింపును దక్కించుకున్న ముద్దుగుమ్మ శిల్పశెట్టి. ఈ అమ్మడు 2007వ సంవత్సరం నుండి సినిమాలకు పూర్తి దూరం అయ్యింది. అయితే పరిశమ్రకు దగ్గరగా ఉండటంతో పాటు, ఎప్పటికప్పుడు బుల్లి తెరపై లేదంటే సోషల్‌ మీడియాలో జనాల మద్య ఉంటూనే ఉంది. తాజాగా శిల్పశెట్టి రీ ఎంట్రీ ఇచ్చేందుకు సిద్దం అయినట్లుగా బాలీవుడ్‌ వర్గాల ద్వారా సమాచారం అందుతోంది.
షబ్బీర్‌ ఖాన్‌ దర్శకత్వంలో రూపొందుతున్న నిక్కమా అనే చిత్రంలో కీలక పాత్రలో ఈమె కనిపించబోతుంది. హీరోయిన్‌ పాత్రలను కాకుండా క్యారెక్టర్‌ ఆర్టిస్టు పాత్రలను ప్రత్యేక పాటలను చేసేందుకు సిద్దంగా ఉన్నట్లుగా సమాచారం అందుతోంది. యోగా బ్యూటీగా పేరున్న ఈ అమ్మడికి అప్పటికి ఇప్పటికి తేడా ఏమీ లేదు. పెళ్లి అయ్యి పిల్లలు పుట్టిన తర్వాత కూడా ఈ అమ్మడు ఏమాత్రం గ్లామర్‌ తగ్గకుండా మంచి అందంతో ఉంది. అందుకే ఈమెకు హీరోయిన్‌గా కూడా ఆపర్లు వస్తాయని అంటున్నారు. సౌత్‌లో ఈమె నటించిన పలు సినిమాలు మంచి విజయాన్ని దక్కించుకున్నాయి. అందుకే ఇక్కడ కూడా ఈమెకు మంచి ఫాలోయింగ్‌ ఉంది.
