త్రివిక్రమ్ డైరెక్షన్ లో మహేష్ బాబు తన తదుపరి సినిమా చేస్తున్న సంగతి తెలిసిందే. ఈ సినిమాపై అంచనాలు భారీగానే ఉన్నాయి. మహేష్ బాబు ప్రస్తుతం పరశురామ్ దర్శకత్వంలో సర్కారు వారి పాట చిత్రంలో నటిస్తున్నాడు, ఈ సినిమా షూటింగ్ పూర్తయ్యాక త్రివిక్రమ్ తో సినిమా పట్టాలెక్కనుంది. ప్రస్తుతం ప్రీ ప్రొడక్షన్ పనులు ముమ్మరంగా సాగుతున్నాయి.
త్రివిక్రమ్ తన ప్రతీ సినిమాలో ఎవరో ఒక సీనియర్‌ హీరోయిన్‌ను తీసుకొస్తాడు . ఈ సారి మహేష్ తో తీయబోయే సినిమాలోకి శిల్పాశెట్టిని తీసుకుందామని అనుకున్నారట. ఇప్పటికే త్రివిక్రమ్ సినిమాల్లో నదియా, ఖుష్బూ, దేవయాని, టబూ, స్నేహా కనిపించారు. కథలో కీలకంగా ఉండే ఓ క్యారెక్టర్‌కు బాలీవుడ్ హీరోయిన్ శిల్పా శెట్టి అయితేనే బాగుంటుందని త్రివిక్రమ్ బలంగా ఫిక్స్‌ అయ్యారట. అందుకు తగ్గట్టే ఆ క్యారెక్టర్ మోడ్రన్‌గా, హీరోను ఢీకొట్టే విధంగా ఉంటుందట. ఇక ఇప్పటికే ఈ విషయాన్ని శిల్ప కు ఫోన్ చేసి కూడా చెప్పారట త్రివిక్రమ్. అందుకు ఆమె ఓకే కూడా చెప్పిందని ఇండస్ట్రీ టాక్.