శర్వానంద్‌ హీరోగా తెరకెక్కిన ‘రణరంగం’ చిత్రం తాజాగా ప్రేక్షకుల ముందుకు వచ్చింది. శర్వానంద్‌ రెండు విభిన్నమైన గెటప్స్‌లో నటించాడు. సినిమా కోసం చాలా కష్టపడ్డట్లుగా ఆయన బాడీలాంగ్వేజ్‌ మరియు లుక్‌ చూస్తుంటే అనిపిస్తుంది. అయితే సినిమా ఫలితం తారు మారు అయ్యింది. సినిమాకు రివ్యూవర్స్‌ బ్యాడ్‌ రివ్యూలు ఇచ్చారు. కొందరు పర్వాలేదు అన్నట్లు ఇచ్చారు. బ్యాడ్‌ రివ్యూలపై శర్వానంద్‌ స్పందించాడు. ఆ రివ్యూలు తనకు బాధను కలిగించాంటూ ఆవేదన వ్యక్తం చేశాడు.
శర్వానంద్‌ మాట్లాడుతూ రణరంగం చిత్రం పట్ల ప్రేక్షకుల నుండి పాజిటివ్‌ రెస్పాన్స్‌ వస్తుంది. కొందరు మాత్రం రివ్యూల పేరుతో సినిమా బాగాలేదు అన్నారు. ఆ వ్యాఖ్యలు నాకు బాధను కలిగించాయి. అయినా నేను సినిమా చేసింది రివ్యూవర్స్‌ కోసం కాదు కదా, ప్రేక్షకులు సినిమాను చూసి ఆధరించాలని కోరుకున్నాను. ప్రేక్షకుల నుండి పాజిటివ్‌ రెస్పాన్స్‌ వస్తున్నందుకు సంతోషంగా ఉన్నాను అంటూ చెప్పుకొచ్చాడు. సినిమా రివ్యూవర్స్‌పై శర్వా పరోక్షంగా విరుచుకు పడ్డాడు.
