టాలీవుడ్ బిగ్ బ్రేకింగ్. మెగా పవర్ స్టార్ రామ్ చరణ్ హీరోగా భారీ చిత్రాల తమిళ దర్శకుడు శంకర్ దర్శకత్వంలో సినిమా రాబోతుంది. కొద్దిసేపటి క్రితమే ప్రకటన చేశారు. ప్యాన్ ఇండియా స్థాయిలో ఈ సినిమాను నిర్మించబోతున్నట్లు తెలుపుతూ షోమేన్ ఆఫ్ ఇండియన్ సినిమా దర్శకుడు శంకర్, మెగా పవర్ స్టార్ రామ్ చరణ్ వంటి రెండు శక్తుల కలయికలో ఇంతకు ముందు ఎవరూ చూడని స్థాయిలో సినిమాను నిర్మించబోతున్నట్లు నిర్మాతలు దిల్ రాజు, శిరీష్ ట్విట్టర్ లో తెలిపారు.
శంకర్ లాంటి బ్రిలియన్స్ ఉన్న డైరెక్టర్ తో దిల్ రాజు బ్యానర్ లో సినిమా చేస్తుండటం ఉత్తేజభరితంగా ఉందంటున్నారు రామ్ చరణ్. ప్రస్తుతం ఎన్టీఆర్ తో కలసి రాజమౌళి దర్శకత్వంలో ‘ఆర్ఆర్ఆర్’ వంటి ప్యాన్ ఇండియా చిత్రంలో నటిస్తున్నాడు రామ్ చరణ్. కమల్ తో ‘ఇండియన్ 2’ ప్రాజెక్ట్ ఆగిపోవడంతో తన దృష్టినంతా రామ్ చరణ్ ప్రాజెక్ట్ పైనే కేంద్రీకరించాడు శంకర్.
