సూపర్ స్టార్ మహేష్ బాబు సంక్రాంతి బరిలో సరిలేరు నీకెవ్వరూ గా వచ్చి బాక్స్ ఆఫీస్ దగ్గర సరిలేరు అనిపించుకున్న సంగతి తెలిసిందే. ఇప్పుడు బుల్లితెర ఫై కూడా సరిలేరు అనిపించుకున్నాడు. ఈ చిత్ర శాటిలైట్ రైట్స్ దక్కించుకున్న జెమినీ వారు ఉగాది కానుకగా గత నెల 25న ప్రీమియర్ గా జెమినీ టీవీ లో ప్రసారం చేయడం తో రికార్డు స్థాయి లో 23.4 టీఆర్పీ రేటింగ్ సాధించి ఆల్ టైం టాప్ లో నిలిచింది.
గత 15ఏళ్లలో ఏ చిత్రానికి ఇంత టీఆర్పీ రేటింగ్ రాలేదంటే అతిశయోక్తి కాదు. వందల కోట్లు కొల్లగొట్టిన బాహుబలి 2 టీఆర్పీ 22.7 కాగా అంతకు మించిన టీఆర్పీ రేటింగ్ సరిలేరు నీకెవ్వరు దక్కించుకుంది. దర్శకుడు అనిల్ రావిపూడి డైరెక్షన్లో వచ్చిన ఈ మూవీ లో రష్మిక హీరోయిన్ గా నటించగా ..సీనియర్ నటి విజయశాంతి ప్రధాన రోల్ లో చేసింది.