మహేష్‌బాబు 26వ చిత్రం ‘సరిలేరు నీకెవ్వరు’ చిత్రం మొదటి షెడ్యూల్‌ను ఇటీవలే పూర్తి చేసుకోవడం జరిగింది. మొదటి షెడ్యూల్‌ను కశ్మీర్‌లో చిత్రీకరించారు. అక్కడ నుండి వచ్చేసిన చిత్ర యూనిట్‌ సభ్యులు ఈనెల 26 నుండి రెండవ షెడ్యూల్‌ను హైదరాబాద్‌లో చేయబోతున్నారు. అందుకోసం ఏర్పాట్లు కూడా జరుగుతున్నాయి. ఇక రెండవ షెడ్యూల్‌లో చాలా రోజులుగా కెమెరాకు దూరంగా ఉన్న విజయశాంతి పాల్గొనబోతుంది. రష్మిక మరియు విజయశాంతితో పాటు మరో హీరోయిన్‌ కూడా పాల్గొనబోతున్నట్లుగా సమాచారం అందుతోంది.
ఈ చిత్రంలో ఒక కీలక పాత్రకు గాను హీరోయిన్‌ సంగీతను ఎంపిక చేయడం జరిగింది. హీరోయిన్‌గా పలు చిత్రాలు చేసిన సంగీత గత కొంత కాలంగా అవకాశాలు లేక నటనకు దూరంగా ఉంటుంది. ఇప్పుడు మళ్లీ ఆమె సినిమాలతో బిజీ అవ్వాలని ప్రయత్నాలు చేస్తుంది. ఇలాంటి సమయంలో ఈమెకు సరిలేరు నీకెవ్వరు చిత్రంలో ఆఫర్‌ దక్కింది. అద్బుతమైన ఈ ఆఫర్‌తో మళ్లీ సంగీత హీరోయిన్‌గా కాకున్నా కనీసం నటిగా అయినా బిజీ అయ్యే అవకాశం ఉంది. విజయశాంతి రోల్‌ ఏంటో క్లారిటీ రాకుండానే మరో హీరోయిన్‌ సంగీత రోల్‌ ఏంటా అంటూ జనాలు ఆలోచనల్లో పడిపోయారు.
